कञ्चनपुर : बेलाैरीमा एक सामुदायिक कुकुरले पाँच जनालाई टाेक्याे

बेलाैरी, कञ्चनपुर -

बेलाैरी बजारमा एक सामुदायिक कुकुरले पाँच जनालाई टाेकेकाे छ । शनिबार दिउँसो बेलाैरी बजार चिल्ड्रेन पार्क नजिक एक सामुदायिक कुकुरले पाँच जनालाई टाेकेकाे स्थानीय साेनु चन्दले बताइन् । 

उनले भनिन् - "बेलाैरी बजारमा आज दिउँसो देखि नै एउटा कुकुर बाैलाएकाे छ, एकैदिन स्थानीय पाँच जनालाई टाेकिसक्याे । टाेल यतिबेला त्रसित बनेकाे छ।,

बजार क्षेत्रमा कुकुर बाैलाएपछि नागरिकलाई सचेत रहन र सराेकारवाला निकायलाई कुकुर नियन्त्रणमा लिन स्थानीयले अनुरोध गरेका छन् । 

यस विषयमा पशुसेवा शाखा बेलाैरीका पशु प्राविधिककाे टीमलाई खबर गरिएपनि याे समाचार तयार पार्दा सम्म उक्त  कुकुरलाई नियन्त्रण गरिएको छैन् ।