नेपाल ईट्टा उद्योग महासंघको १८औँ वार्षिक साधारणसभा हाेटल मेची क्राउनमा

चन्द्रिका चाैधरी/ बेलाैरी, कञ्चनपुर -

नेपाल इँट्टा उद्योग महासंघको १८औँ वार्षिक साधारणसभा बिहीबार झापास्थित सुप्रसिद्ध होटल मेची क्राउनमा भव्य रूपमा सञ्चालन भइरहेको छ।

मुलुकको निर्माण क्षेत्रमा महत्त्वपूर्ण योगदान पुर्‍याउँदै आएको इँट्टा उद्योगहरूको साझा संस्था महासंघको यस साधारणसभाले उद्योग क्षेत्रका समसामयिक मुद्दाहरूमाथि गम्भीर समीक्षा गरिरहेको महासंघका सुदूरपश्चिम प्रदेश अध्यक्ष बलदेव सिंह बुडालले बताउनुभयो।

​सातवटै प्रदेशका उद्योगीहरूको उल्लेख्य सहभागिता

प्रदेश अध्यक्ष बुडालका अनुसार यस राष्ट्रिय भेलामा देशका सातवटै प्रदेशबाट महासंघका केन्द्रीय तथा प्रादेशिक पदाधिकारीहरू, उद्यमी तथा व्यवसायीहरूको बाक्लो र उल्लेखनीय सहभागिता रहेको छ।,

कार्यक्रममा कोशी प्रदेशका अध्यक्ष भगवान वस्नेत, मधेस प्रदेशका अध्यक्ष विक्रम शाह, बागमती तथा गण्डकी प्रदेशका अध्यक्ष आशाकाजी तवानावासु, लुम्बिनी तथा कर्णाली प्रदेशका अध्यक्ष थानेश्वर घिमिरे र सुदूरपश्चिम प्रदेशका अध्यक्ष बलदेव सिंह बुडाल लगायतका प्रादेशिक नेतृत्वहरूको विशेष उपस्थिति रहेको छ।

देशका विभिन्न कुनाबाट आएका व्यवसायीहरूको यो सक्रिय सहभागिताले इँट्टा उद्योगीहरूबीचको एकता र व्यावसायिक सुदृढीकरणलाई थप बल पुर्‍याएको महसुस गरिएको छ उनलेे भने।,

​वर्तमान चुनौती र भावी रणनीतिक विषयमा छलफल

देशको आर्थिक मन्दी, निर्माण कार्यमा आएको सुस्तता, इन्धनको मूल्यवृद्ध, कामदारको व्यवस्थापन तथा वातावरणमैत्री प्रविधि अपनाउने सन्दर्भमा इँट्टा उद्योगीहरूले भोगिरहेका समस्याहरू साधारणसभाको मुख्य आकर्षण बनेका छन्।

कार्यक्रममा परम्परागत इँट्टा उद्योगलाई आधुनिकीकरण गर्दै चिम्नी प्रविधिमा सुधार ल्याउने र हरित प्रविधि (Eco-friendly technology) तर्फ उद्योगलाई रूपान्तरण गर्ने विषयमा गहन छलफल जारी छ।

​सरकारसँगको सहकार्य र अपेक्षाहरू

साधारणसभाको अवसरमा व्यवसायीहरूले राज्यले इँट्टा उद्योगलाई हेर्ने दृष्टिकोणमा सकारात्मक परिवर्तन ल्याउनुपर्नेमा जोड दिएका छन्।

मजदुरहरूको हकहित, बैंक ब्याजदरमा देखिएको असहजता र करसम्बन्धी जटिलताहरूलाई सरल बनाउन महासंघले सरकारसँग सशक्त ढंगले पैरवी गर्ने प्रतिबद्धता जनाएको छ।

साथै, विपद् तथा अन्य कठिन परिस्थितिहरूमा इँट्टा व्यवसायीहरूले राष्ट्र निर्माण र सामाजिक उत्तरदायित्वका क्षेत्रमा खेल्दै आएको भूमिकास बारे पनि कार्यक्रममा विशेष चर्चा गरिएको छ।

​झापाको मेची क्राउन होटलमा भइरहेको यो १८औँ वार्षिक साधारणसभाले पारित गर्ने विभिन्न प्रस्ताव र निर्णयहरूले आगामी दिनमा नेपालको इँट्टा उद्योग क्षेत्रको दिशा तय गर्न र व्यवसायीहरूको व्यावसायिक हकहित संरक्षण गर्न ऐतिहासिक कोसेढुङ्गा साबित हुने अपेक्षा गरिएको छ।