कञ्चनपुर : पुनर्वासमा मृत भेटिएका पुरुषको पहिचान खुल्यो

चन्द्रिका चौधरी / बेलौरी, कञ्चनपुर –

कञ्चनपुरको पुनर्वासमा शनिबार मृत भेटिएका पुरुषको पहिचान खुलेको छ।

इलाका प्रहरी कार्यालय त्रिभुवनबस्तीका अनुसार हुलाकी सडक छेउमा मृत भेटिएका व्यक्ति पुनर्वास नगरपालिका–२ का ४५ वर्षीय सूर्य दमाई हुन्।

शनिबार साँझ करिब ५ बजे तिर सडक किनारमा पुरुषको शव देखेपछि स्थानीयले प्रहरीलाई खबर गरेका थिए।

त्रिभुवनबस्ती प्रहरी निरीक्षक महेशविक्रम शाहीले भने, ‘‘मृतकले मदिरा सेवन गरेका रहेछन्।’’ उनले थपे, ‘‘यद्यपि घटनाको थप अनुसन्धान भइरहेको छ। यतिबेला शवलाई पोस्टमार्टमका लागि लगिएको छ।’’