कञ्चनपुर : पानीको बाल्टीमा डुबेर डेढ वर्षीया बालिकाको मृ*त्यु

कञ्चनपुर -

कञ्चनपुरको भीमदत्तनगरमा बाल्टीको पानीमा डुबेर एक बालिकाको मृत्यु भएको छ ।

प्रहरीका अनुसार भीमदत्त नगरपालिका–८ तिलाचौरका सुरज सिंहकी डेढ वर्षीया छोरी प्रियाको बाल्टीको पानीमा डुबेर भएको हो ।

शुक्रवार दिउँसो घरको आँगनमा रहेको बाल्टीको पानीमा उनी डुबेकी प्रहरीले जनाएको छ ।

पानीमा डुबेपछि बेहोस प्रियालाई महेन्द्रनगरस्थित महाकाली प्रादेशिक अस्पतालमा उपचारका लागि लगिएको भएपनि उपचारका क्रममा उनको मृत्यु भएको बताइएको छ ।