बन्साहमा बसको ठक्करले पैदल यात्रुको मृत्यु

कञ्चनपुर -

कञ्चनपुरमा  यात्रु बहाक बसको ठक्करबाट एक पैदल यात्रुको मृत्यु भएको छ । बिहीबार बेलौरी–कलुवापुर सडकखण्डमा पैदल यात्रु द्रोपती भट्टको मृत्यु भएको हो ।

बेलौरीदेखि सुपप्र ००१–९२९नम्बरको बसको  ठक्करले शुक्लाफाँटा नगरपालिका १बन्साह गणेशपुरकी ५५ बर्षिया द्रोपती भट्टको मृत्यु भएको होे । 
कञ्चनपुरका प्रहरी प्रवक्ता बन्साहमा यात्रुलाई ठक्कर दिएपछि बस पनि पल्टिएको बताए । बसको ठक्करबाट घाईते भएकी भट्टको उपचारका क्रममा धनगढी निसर्ग अस्पतालमा  उपचार भईरहेको बुझिन्छ । बसमा बसार अन्य यात्रु सुरक्षित रहेको प्रहरीले जनाएको छ । मृतक पक्षले घटनाको छानबिन गरेर दोषि उपर कार्बाहीको माग अघि सारेका छन । प्रहरीले चालक नियन्त्रणमा लिएर अनुसन्धान अघि बढाएको जनाएको छ ।