रास्वपाका नेता भन्छन्, ‘पार्टी सभापति माथि सरकारले गरेको राजनैतिक प्रतिशोध हो’

केशव थापा / कञ्चनपुर -

राष्ट्रिय स्वतन्त्र पार्टीका नेतात्रय दिपक बोहरा, रमेश  प्रसाई र प्रमोद न्यापानेले पार्टी सभापति रवि लामिछानेमाथि सरकारले राजनैतिक प्रतिशोध साँधेको बताएका छन् ।

बिहीबार महेन्द्रनगरमा रास्वपा कञ्चनपुरले आयोजना गरेको पत्रकार सम्मेलनमा बोल्दै रास्वपा नेतात्रय बोहरा, प्रसाई र न्यापानेले पार्टी सभापति रवि लामिछानेमाथि सरकारले राजनैतिक प्रतिशोध साँधेको बताएका हुन् । 

रास्वपा सचिवालय सदस्य एवम्  हस्ताक्षर अभियान संयोजक दिपक बोहराले सहकारीमा प्रत्यक्ष नजोडिएका व्यक्ति पार्टी सभापति रवि लामिछानेमाथि सरकारले राजनैतिक प्रतिशोध साँधेर मुद्दा चलाएको बताए ।

उतिबेला गोर्खा मिडियामा कार्यरत हुँदा सहकारीबाट गोर्खा मिडियाका अध्यक्ष जिवी राईले ल्याएको रकम मिडियाकै काममा खर्च गरेको विषयलाई सरकारले प्रतिशोध साधेर झुटा मुद्दा चलाएको बताए ।

‘एमाले नेता सुर्य थापा नेतृत्वको छानबिन समितिकै प्रतिवेदनमा समेत रास्वपा सभापति लामिछानेले प्रत्यक्ष ऋण नलिएको स्पष्टै हुँदा पनि सरकारले पुन: पुरक मुद्दा लगायो, ‘उनले भने, ‘उतिबेला काँग्रेसले पार्टी सभापतिलाई प्रधानमन्त्रीको अफर गर्ने र नमानेपछि मुद्दा चलायो।’ 

रास्वपा युवा नेता प्रमोद न्यौपानेले सरकारले राजनीतिक बदनीयत देखाएर कानूनको आडमा पार्टी सभापति लामिछाने बिरुद्ध मुद्दा चलाएको बताए।

‘राज्यले विभेद मात्रै होईन, अन्याय  गरेको छ, ‘उनले भने, ‘अड्डासारमा पनि राजनीतिक ग¥यो, भैरहवामा हुँदा उप चुनाव पार्टीको पक्षमा आउने भएपछि मात्रै काठमाण्डौँ अड्डा सार गरियो ।’ सम्वैधानिक परिषदमा बहुमत पु¥याउनका लागि उप सभामुख ईन्दीरा रानामगरलाई हटाउन खोजेपनि सत्ताधारी दलबाटै सहयोग नपाएपछि सो कार्य असफल भएको बताए । 

रास्वपा सहप्रवक्ता रमेश प्रसाईले अहिलेको सरकार शक्तिको आडमा कानून उलंङघन गरिरहहेको बताए । प्रसाईले भिजिट भिषा प्रकरणदेखि सुशासन दिन नसकेको बताए । ‘दार्चुला स्थित लिपुलेकको भूमि नेपालकै अच्छुण भुभाग हो, ‘उनले भने, ‘लिपुलेकमाथि अनावश्यक राजनीति गर्नु हुँदैन ।’ हमास समूहको नियन्त्रणमा रहेका विपिन जोशीको रिहाईका लागि इजरायलसंग नभई कतारसंग समन्वय आवश्यक रहेकोे बताए ।

प्रधानमन्त्री र परराष्ट्रमन्त्रीले अहिले आएर विपिन जोशीकोे रिहाईका लागि सरकार लागि परेको विषय हास्यास्पद भएको बताए।

रास्वपा कञ्चनपुरका नेता एवम् सूचना तथा संचार विभाग सदस्य ज्ञानेन्द्र महताले हस्ताक्षर अभियानका लागि जिल्ला पुगेका नेताहरुले बुधबार महेन्द्रनगर, दोधाराचाँदनी सम्बोधन गरेको र बिहीबार झलारीमा आमसभालाई सम्बोधन गरिने जनाए।