काठमाण्डौ र पोखरामा जलेको भवनभित्र तीन वटा शव भेटियो

होमपेज / घटना / समाचार /
काठमाण्डौ र पोखरामा जलेको भवनभित्र तीन वटा शव भेटियो
  • रेडियो सुदूर सञ्चार
  • २५ भदौ २०८२ (३ महिना अघि)
  • ३५३

हिजो आन्दोलनकारीले जलाइदिएको भवनभित्र काठमाण्डाै र कास्कीकाे पोखरामा गरी ३ वटा शव भेटिएको छ ।

प्रहरीका अनुसार पोखरा लेकसाइडमा रहेको गण्डकी प्रदेशका मन्त्री तथा व्यवसायी विन्दुकुमार थापाको अंशुभरा ग्रुपको भवनमा एक महिलाको शव भेटिएको छ । भवनमा बिहान जलेको अवस्थामा महिलाको शव भेटिएको हो ।

बिहान विन्दुकुमार थापाका भाइ ध्रुवा थापाको नयाँबजारमा रहेको घरमा रहेको गाडीको शाेरूममा पनि एक महिलाको शव फेला परेको थियो ।

यस्तै नेकपा (माओवादी केन्द्र) का अध्यक्ष पुष्पकमल दाहाल प्रचण्डकी छोरी गङ्गा दाहालको घरमा एक जना व्यक्तिको शव फेला परेको छ ।

प्रदर्शनकारीहरूले हिजो ललितपुर महानगरपालिका वडा नम्बर २६ सुनाकोठीमा रहेको दाहालको घरमा आगजनी गरेको थियो । जलेको अवस्थामा फेला परेको पुरुषको शव पहिचान हुन बाँकी रहेको छ ।

अन्तिम अध्यावधिक: २५ भदौ २०८२
छुटाउनु भयो की?

ताजा अपडेट

यो साताको प्रचलित

खोजी गर्नुहोस