भारतमा जिप दु*र्घट*ना : ४ नेपालीको मृ*त्यु, दुई घा*इते

भारतको हिमाञ्जल प्रदेशको सिमला जिल्लाको कोटखाई नजिक जिप दुर्घटना हुँदा चार नेपालीको मृत्यु भएको छ।

मृत्यु हुनेमा सल्यान कुमाख गाउँपालिका-४ का ५० वर्षीय डिल्लीबहादुर शाही, ३६ वर्षीय एकेन्द्र शाही, २६ वर्षीय लक्ष्मी मल्ल शाही र ३३ वर्षीय राजेश विष्ट रहेका छन्। मृतकमध्ये तीन जना एउटै परिवारका हुन् ।

दुर्घटनामा नवराज शाही र हिमबहादुर शाही घाइते भएका थिए। प्रारम्भिक अनुसन्धानअनुसार, चालकले जिपको नियन्त्रण गुमाउँदा सवारी भीरमा खसेको थियो। घाइतेमध्ये दुई जनाको उपचारपछि स्वास्थ्य केन्द्रबाट डिस्चार्ज गरिएको छ।