अनियमितता र बेथिति विरुद्ध बेलौरीका युवाहरूको अभियान : Gen-Z समूह गठन

निरु चाैधरी/ बेलाैरी, कञ्चनपुर — 

बेलाैरी नगरका GenZ युवाहरूले नगरभित्रकाे अनियमितता र बेथितिविरुद्ध सशक्त रूपमा आवाज उठाउने उद्देश्यले बुधबार “GenZ युवा समूह” गठन भएको घोषणा गरेका छन्।

समूहले पत्रकार सम्मेलनमार्फत आफ्नो सञ्जाललाई वडा तहसम्म विस्तार गरी पारदर्शिता, जवाफदेहिता र सुशासन प्रवर्द्धन गर्ने योजनाको सार्वजनिक घोषणा गरेको हो।

१५ सदस्यीय युवा समिति गठन

पत्रकार सम्मेलनमा बोल्दै समूहका सचिव सुरेन्द्र बडु (सुरेश)ले १५ सदस्यीय नगर युवा समिति गठन गरिएको बताए ।

उनका अनुसार, “बेलाैरीमा अब युवाहरू मुक दर्शक बन्ने छैनन्। जनताको कर जनहितमा खर्च होस् भनेर निगरानी गर्ने जिम्मेवारी हामीले लिएका छौँ,” उनले भने।

GenZ नगर समूहमा —
संयोजक: केशब कुमार बोहरा
उप–संयोजक: विष्णु दत्त अवस्थी
सचिव: सुरेन्द्र बडु (सुरेश)
सह–सचिव: नविन पौडेल र
कोषाध्यक्षमा: जयन्ती पाण्डेय रहेका छन् ।

भने सदस्यहरूमा डेविड चन्द, जयप्रकाश बडायक, भुपेश पाण्डेय, नरेश पाण्डेय, लक्ष्मण सिंह दियाल, रुपेश आचार्य, रोशनी रावल, तनुजा बोहरा, देवराज राना र प्रतिभा चन्दलाई चयन गरिएको छ।

‘वडास्तरमा सात सदस्यीय समिति गठन गरिने’ : अवस्थी

उप–संयोजक विष्णु दत्त अवस्थीले समूहले अब प्रत्येक वडामा सात सदस्यीय समिति गठन गर्ने तयारी गरेको जानकारी दिए।

“हामी हरेक वडामा युवाहरूलाई संगठित गर्दै भ्रष्टाचारविरुद्धको सशक्त दबाब समूह निर्माण गर्दैछौँ। बेलौरीका युवाहरू अब आफ्नो नगरकाे सुशासनकाे प्रहरी बन्नेछन्,” अवस्थीले भने - अब हामीलाई कसैले राेक्न सक्दैन।,

‘परिवर्तनका लागि युवाहरू सक्रिय बन्नुपर्छ’

GenZ समूहका सदस्य नरेश पाण्डेयले, बेलौरीमा अब युवाहरू केवल हेर्ने होइन, प्रश्न गर्ने र निगरानी गर्ने भूमिकामा सक्रिय बन्ने जनाए।, हाम्रा ६बुदेँ माग अझै पूरा भएका छैनन्।यद्यपि “जनताको करबाट उठेको रकम कहाँ र कसरी खर्च भइरहेको छ भन्ने प्रश्न अब युवाले गर्नुपर्ने बेला आएको छ। हाम्रो अभियान यही चेतनाबाट प्रेरित छ,” उनलेे भने - हामी शान्तिपूर्ण विराेध गरिरहेका छाैँ, हाम्रो आन्दोलन जारी छ।,

‘हामी मौन बस्दैनौं, प्रणाली सुधार हाम्रो लक्ष्य हो’

शिक्षक एवम् जेन-जी समर्थक लक्ष्मण सिंह दियालले पत्रकार सम्मेलनमा भने, “हामीले विगतका वर्षहरूमा देखेका बेथिति र अन्यायका विरुद्ध अब मौन बस्न सक्दैनौँ। यो आन्दोलन कुनै व्यक्तिविरुद्ध होइन, प्रणाली सुधारका लागि हो,” भन्दै युवाहरूमा साझा प्रतिबद्धताको आह्वान गरेका छन्।

उनका अनुसार, युवाहरूले अब सामाजिक सचेतना, पारदर्शिता र उत्तरदायित्वका मुद्दामा निरन्तर आवाज उठाउँदै स्थानीय स्तरमा दबाब सिर्जना गर्नेछन्।

‘यो समूह नागरिक उत्तरदायित्वकाे प्रतीक हो’

युवा समूहका संयोजक केशब कुमार बोहराले भने,
“स्थानीय सरकारका बेथिति, अनियमितता र भ्रष्टाचारविरुद्ध निरन्तर आवाज उठाउँदै आएका हाम्रा अभियानहरू अब संगठित रूपमा अघि बढ्नेछन्। हामी युवराज सफल बन्न तयार छाैँ। हामीलाई दबाउने प्रयास नगरियोस् ।,

हाम्रो उद्देश्य राजनीतिक होइन, नागरिक उत्तरदायित्व र पारदर्शी शासन प्रणाली निर्माण गर्नु हो, बाेहराले भने ।” 

‘यो अभियानले नगरलाई पारदर्शिता र जवाफदेहिताको नयाँ दिशातिर लैजानेछ’

पत्रकार सम्मेलनमा सहभागी जेन-जी समर्थक एवम् रास्वपा नगर सभापति विष्णुप्रसाद शर्माले युवाहरूले सुरु गरेको यो अभियानले बेलौरी नगरमा सकारात्मक परिवर्तन ल्याउने विश्वास व्यक्त गरे।
उनका शब्दमा — “सशक्त र सचेत युवाहरूको हातमा नै समाज रूपान्तरणको आधार हुन्छ। बेलौरीका युवाहरूले सुरु गरेको यो अभियान सकारात्मक र ऐतिहासिक छ।

जब युवा वर्ग एकताबद्ध भएर प्रणाली सुधारको माग गर्छ, तब कुनै पनि अन्याय र भ्रष्टाचार लुक्न सक्दैन।
यो अभियानले बेलौरी नगरलाई पारदर्शिता र जवाफदेहिताको नयाँ युगतिर लैजाने बिचार व्यक्त गर्दै यश अभियानमा आफू र आफ्नो पार्टीको पूर्ण समर्थन रहेको जनाए।,”

‘हाम्रो अभियान जनताको पक्षमा आवाज उठाउनु हो’

सचिव सुरेन्द्र बडु (सुरेश)ले समूहको मुख्य उद्देश्य जनताको पक्षमा आवाज उठाउनु, विकासका योजना र बजेटमा नागरिकको सहभागिता सुनिश्चित गर्नु रहेको बताए।

“हामी कुनै दलको विरोध गर्न होइन, प्रणाली सुधार गर्न संगठित भएका हौँ,” उनले भने, “नगरका प्रत्येक वडामा युवाहरूलाई नेतृत्वको अभ्यास र जिम्मेवारी सिकाउने वातावरण बनाइनेछ।”

शुभेच्छुक र समर्थकहरूको सहभागिता

बुधबार बेलाैरी ४ कृष्ण मन्दिरको परिसरमा आयोजना गरिएको पत्रकार सम्मेलनमा बेलौरी जेन-जी युवा,समर्थक शुभेच्छुक तथा शुभचिन्तकहरूको उपस्थिति रहेको थियो।

सहभागीहरूले “भ्रष्टाचारविरुद्ध युवाहरूको आवाज”, “सुशासनकाे लागि युवाहरू एकजुट”, र “जनताको पैसा, जनताको हितका लागि” जस्ता नारा बाेकेका छन् ।

कार्यक्रमको अन्त्यमा संयोजक बोहराले धन्यवाद ज्ञापन गर्दै बेलौरीका युवाहरूलाई अब एकताबद्ध भएर आफ्नो नगरको सुशासनकाे पहरेदार बन्न समेत आह्वान गरेका छन् ।