कञ्चनपुर : जुवातास खेल्दै गरेका ६ जना प*क्रा*उ

कञ्चनपुरमा जुवातास खेलिरहेको अवस्थामा ६ जनालाई पक्राउ गरिएको छ ।

जिल्लाको भिमदत्त नगरपालिका–४ बजारस्थित गोरख बहादुर चन्दको घरमा जुवातास खेलिँदै गरेको गोप्य सूचनाको आधारमा प्रहरीले छापा मारी ६ जनालाई पक्राउ गरेको प्रहरीले जनाएको छ ।

प्रहरीका अनुसार पक्राउ पर्नेहरूमा भिमदत्त नगरपालिका–१८ बस्ने ४५ वर्षीय रमेश भट्टसहित ६ जना छन् । उनीहरूको साथबाट २३ हजार ११० रुपैयाँ र ३ गड्डी तास बरामद गरिएको छ ।

पक्राउ परेकाहरूलाई आवश्यक अनुसन्धानका लागि जिल्ला प्रहरी कार्यालय कञ्चनपुरमा राखिएको र थप अनुसन्धान भइरहेको प्रहरीले जनाएको छ ।