सोलुखुम्बुमा जीप दु*र्घ*ट*नामा ज्या*न गुमाएका सबैको पहिचान खुल्यो

सोलुखुम्बुमा हिजो बेलुका जीप दुर्घटना हुँदा ज्यान गुमाएका तीन जना सबैको पहिचान खुलेको छ । माप्य दूधकोशी गाउँपालिकाबाट महाकुलुङ गाउँपालिकातर्फ गुडीरहेको जीप माप्य दूधकोशी गाउँपालिका–६ भिरकुनामा दुर्घटना भएको थियो ।

जीपमा रहेका तीन जनाको घटनास्थलमै ज्यान गएको हो । ज्यान गुमाउनेहरुमा महाकुलुङ गाउँपालिका वडा नम्बर ३ छेस्कामकी १६ वर्षीया हवी राई, २० वर्षीया शान्ति राई र १७ वर्षीया निर्जला राई रहेका जिल्ला प्रहरी कार्यालय सोलुखुम्बुले जनाएको छ ।

गाडीमा रहेका ११ जना यात्रुमध्ये चालकसहित ६ जना घाइतेको जिल्ला अस्पताल फाप्लुमा उपचार भइरहेको छ । दुई जना सामान्य उपचारपछि घर फर्किएका छन् ।