सर्वोच्च अदालत मङ्सिर १ देखि पूर्णरूपमा सञ्चालन हुने

आगामी मङ्सिर १ गतेदेखि सर्वोच्च अदालत पूर्णरूपमा सञ्चालनमा आउने भएको छ। गत भदौ २४ गतेको जेनजी आन्दोलनमा आगजनीपछि अदालत आशिंक रूपमा मात्रै सेवा प्रवाह गर्दै आएको थियो।

सर्वोच्चको बिहीबार बसेको पूर्ण बैठकले आगजनी, ढुङ्गामुढा, तोडफोड र लुटपाटबाट बचेका मुद्दा तथा अवरुद्ध सेवाहरू नियमित रूपमा सञ्चालन गर्ने निर्णय गरेको हो।

अदालतको सूचनाअनुसार, “मुद्दाका मिसिलहरू नष्ट हुनबाट बचेको हुँदा पेसी तारेख आउन बाँकी रहेका मुद्दाहरूको २०८२ मङ्सिर १ गतेपछि पूर्ववत् रूपमा तोकिएको पेसी तारेखको दिन नियमित सुनुवाइ हुनेछ। अन्य पेसी नचढेका मुद्दाहरू कानुनबमोजिम अङ्ग पु¥याई सुनुवाइ गरिनेछ।”

बैठकले सेवा अवरुद्ध भएका सुरु मुद्दा, पुनरावेदनपत्र, दोहो¥याई पाउँ भन्ने निवेदन तथा पुनरवलोकन निवेदनसहित सबै प्रकारका मुद्दा र निवेदनहरूको दर्ता र सुनुवाइ गर्ने निर्णय गरेको छ।