काठमाण्डौले विराटनगरलाई दियो १ सय ३५ रनको लक्ष्य

नेपाल प्रिमियर लिग (एनपीएल) क्रिकेटमा काठमाण्डु गोर्खाजले विराटनगर किंग्सलाई १ सय ३५ रनको लक्ष्य दिएको छ । कीर्तिपुरको त्रिवि क्रिकेट रङ्गशालामा टस हारेर ब्याटिङ गरेको काठमाण्डुले ६ विकेट गुमाएर १ सय ३४ रन बनायो ।

काठमाण्डुका आदिल आलमले अविजित ४८ र वेन चार्ल्सवर्थले ३२ रन बनाए । विराटनगरका मर्चेन्ट डे लाङले २, सन्दीप लामिछाने, शुभम रञ्जाने र सूर्य तामाङले समान १ विकेट लिए । 

उद्घाटन खेलमा काठमाण्डुले साविक विजेता जनकपुर बोल्ट्सलाई ५ विकेटले हराएको थियो । अर्को खेलमा सुदूरपश्चिमसँग पराजित भएको थियो । त्यस्तै विराटनगरको आज दोस्रो खेल हो । आफ्नो पहिलो खेलमा विराटनगरले पोखरालाई हराएको थियो । 

दोस्रो संस्करणको एनपीएल क्रिकेटमा सुदूरपश्चिम, पोखरा, विराटनगर, काठमान्डु, लुम्बिनी, चितवन, जनकपुर र कर्णाली गरी ८ वटा टोली सहभागी छन् । गएको मङ्सिर १ गतेदेखि शुरू भएको प्रतियोगिता यही २७ गतेसम्म चल्नेछ ।