राष्ट्रिय स्वतन्त्र पार्टी(रास्वपा) कञ्चनपुर दोधारा चाँदनी नगरको सभापतिमा दाेस्राे कार्यकालका लागि पुन: कुमाल चयन भएका छन् । शनिबार सम्पन्न भएको रास्वपा दोधाराचाँदनी नगरको प्रथम नगर अधिवेशनबाट अध्यक्षमा पुरन कुमाल चयन भएका हुन् ।
नगर उप-सभापतिमा देवदत्त जोशी, सचिव हरि प्रशाद उपाध्याय, सदस्यहरु लक्ष्मण सिह साउद, गिता सुनार, अर्जुन नाथयोगी, हर्ष ब. चन्द, लक्ष्मण चन्द, भक्त ब. थापा, दानसिह बोहरा, उत्तम सुनार रहेका छन् । यस्तै जिल्ला, प्रदेश र केन्द्रीय प्रतिनिधी समेत छनौट गरिएको छ । धन ब. शाही, अमर सिह गुरुङ्ग जिल्ला, कुम्भ सिंह घनाडी, मनोज सिह भण्डारी प्रदेश र गोर्कण लामिछाने, धन बहादुर महता केन्द्रीय रहेका छन् ।
कार्य समिति सहमतिका आधारमा सर्व सम्मत चयन गरिएकाे रास्वपाका केन्द्रीय विज्ञान सुचना तथा प्रविधि विभागका सचिव ज्ञानेन्द्र महताले जानकारी दिनु भयाे ।
कार्यक्रममा प्रमुख अतिथि समेत रहेका पार्टी केन्द्रीय सह-प्रवक्ता रमेश प्रसाईले कार्यक्रमलाई सम्वोधन गर्दै भने `हाम्रो पार्टी आगामी निर्वाचनमा एक नम्बरकाे पार्टी बन्ने ठाेकुवा गरेका छन् ।´ उनले अगाडि भने “पछिल्लाे समय देश जनताले परिवर्तन चाहेकाे छ, रास्वपाले जनताकाे मनमा बसेर काम गरेर देखाउन सक्ने र त्यसका लागि आगामी निर्वाचनमा दुई तिहाईकाे सरकार रास्वपाकै नेतृत्वमा बन्ने दावी गरे ।”
कार्यक्रममा रास्वपाका केन्द्रीय विज्ञान सुचना तथा प्रविधि विभागका सचिव ज्ञानेन्द्र सिंह महताले पार्टी प्रतिकाे भराेसा र विश्वास रहेकाले जनताकाे भावना अनुरूप काम गर्न सक्ने अहिलेकाे एक मात्र निर्विकल्प पार्टी रास्वपानै रहेकाे बताए । उनले भने “पार्टी नीति, विधान, सिद्धान्त र नियमले चल्ने भएकाले सबै पार्टीका नेता कार्यकर्तालाई साेहि अनुरूप अघि बढनु पर्ने धारणा समेत व्यक्त गरेका छन् ।
साे कार्यक्रममा कञ्चनपुर जिल्ला पूर्व सभापति पदम विष्ट, जिल्ला, पालिका, वडा सम्मका अन्य नेता तथा कार्यकर्ता र शुभचिन्तकहरूकाे सहभागितामा कार्यक्रम सम्पन्न भएकाे छ ।,
