लालझाडीबाट खैरो हेरोइनसहित दुई जना प*क्रा*उ

कञ्चनपुर -

कञ्चनपुरबाट खैरो हेरोइनसहित दुई जना पक्राउ परेका छन् ।

जिल्लाको लालझाडी गाउँपालिका-१ डाँडा बिचवा स्थित सुदूरपश्चिम प्रदेश ०१-०१३ प ३८९४ नम्बरको मोटरसाइकललाई चेकजाँच गर्दा चालक कैलालीको धनगढी उपमहानगरपालिका-१३  राजपुर बस्ने २९ वर्षीय गोबिन्द राना र मोटरसाइकल पछाडी सवार सोही ठाउँ बस्ने २४ वर्षीय सन्जु कुमार राना खैरो हेरोइनसहित पक्राउ परेका हुन् ।

उनीहरुको साथबाट ५ ग्राम ३४० मिलिग्राम लागू औषध खैरो हेरोइन फेला पारी उक्त पदार्थ, मोटरसाईकलसहित दुवै जनालाई इलाका प्रहरी कार्यालय त्रिभुवनबस्ती, कञ्चनपुर र लागूऔषध नियन्त्रण व्युरो शाखा कार्यालय धनगढी, कैलालीबाट संयुक्त खटिएको प्रहरी टोलीले नियन्त्रणमा लिई थप अनुसन्धान गरिरहेको प्रहरीले जनाएको छ ।