कैलाली कारागारमा झडप : एक जनाकाे मृ*त्यु, ४७ घा*इ*ते

कैलाली -

कैलाली कारागारमा कैदीबन्दीबीच झडप हुँदा एक जनाकाे मृत्यु भएको छ भने ४७ जना घाइते भएका छन् ।

जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) राजकुमार सिंहले कैदीबन्दीबीच झडप हुँदा धनगढी उपमहानगरपालिका-४ का ४० वर्षीय भरत चाैधरीकाे मृत्यु भएको बताए ।

चाैधरी लागूऔषध मुद्दामा कारागारमा थिए  । झडपका क्रममा अन्य ४७ जना घाइते भएका छन् ।

घाइतेहरूकाे सेती प्रादेशिक अस्पतालमा उपचार भइरहेको छ । उनीहरू मध्ये तीन जनाकाे अवस्था गम्भीर रहेकाे प्रहरीले जनाएको छ ।

कैलाली कारागारमा केही दिनदेखि कैदीबन्दीबीच झडप भइरहेको थियाे ।