६० हजार बाख्रालाई लगाइयो पीपीआर खोप

होमपेज / समाचार /
  • रेडियो सुदूर सञ्चार
  • ३ जेठ २०८२ (७ घण्टा अघि)
  • २३

बैतडी -

बैतडीमा यो बर्ष ६० हजार बाखालाई पीपीआर खोप लगाइएको छ । जिल्लाका १० ओटै स्थानीय तहमा किसानहरुले पालेका बाख्राहरुलाई पीपीआर खोप लगाइएको भेटेरीनरी अस्पताल तथा पशु सेवा विज्ञ केन्द्र पाटन बैतडीका प्रमुख गुमानीदत्त पन्तले जानकारी दिए । बाख्राहरुलाई पीपीआर रोगबाट बचाउन खोप दिइएको पन्तले बताए ।

पीपीआर रोगबाट बच्ने एकमात्रै उपाय खोप भएकाले हरेक बर्ष खोप लगाउने गरिएको उनले बताए । जिल्लाको दशरथचन्द नगरपालिका, पाटन नगरपालिका, पञ्चेश्वर गाउँपालिका, पुर्चौंडी नगरपालिका र सिगास गाउँपालिकामा बढी बाख्रामा पीपीआर खोप लगाइएको पन्तले बताए । पञ्चेश्वर गाउँपालिकाको वडा नं ५ का केही स्थानमा पीपीआर प्रकोपकै रुपमा फैलिएका त्यस आसपासका क्षेत्रमा बढी खोप लगाइएको उनले बताए । 

बैतडीमा १ लाख ३६ हजार बाख्रा भएपनि खोप कम आएकाले सबै बाख्राहरुलाई पीपीआर खोप लगाउन नसकिएको उनले बताए । बाख्रामा पीपीआर रोग लागेमा गीजा सुन्निने, र्याल आउने , पखाला लाग्ने र अन्त्यमा बाख्रा मर्ने हुन्छ । बाख्राहरुलाई पीपीआर रोगबाट बचाउन खोप एकमात्रै उपाय भएको पन्तले बताए । 

अन्तिम अध्यावधिक: ३ जेठ २०८२
छुटाउनु भयो की?

ताजा अपडेट

यो साताको प्रचलित

खोजी गर्नुहोस