सुदूरपश्चिममा दिउँसो भारी र राति अति भारी वर्षाको सम्भावना

आज सुदूरपश्चिमका एक–दुई स्थानमा दिउँसो भारी र राति अति भारी वर्षाको आकलन गरिएको छ ।

जल तथा मौसम विज्ञान विभागको मौसम पूर्वानुमान महाशाखाले आजको सम्भावित वर्षाबारे जानकारी दिंदै उक्त आकलन गरेको हो ।

महाशाखाले बिहान ६ बजे जारी गरेको संक्षिप्त बुलेटिनअनुसार आज दिउँसो सुदूरपश्चिम प्रदेशका एक–दुई स्थानमा भारी वर्षाको सम्भावना छ । प्रदेशका उच्च पहाडी तथा हिमाली भूभागका थोरै स्थानमा हल्का वर्षा÷ हिमपातको सम्भावना छ ।

त्यस्तै, आज राति पनि सुदूरपश्चिम प्रदेशका एक–दुई स्थानमा भारीदेखि धेरै भारी वर्षाको पनि सम्भावना छ । उच्च पहाडी तथा हिमाली भूभागका थोरै स्थानहरूमा हल्का वर्षा÷ हिमपातको सम्भावना छ ।