सुन-चाँदीको मूल्य घट्यो

स्थानीय बजारमा सुन- चाँदीको मूल्य ओरालो लागेको छ। शुक्रबार सुनको मूल्य तोलामा ११ सय र  चाँदी २० रुपैयाँले घटेको हो। नेपाल- सुन चाँदी व्यवसायी महासंघका अनुसार आज ११ सय रुपैयाँ घटेर  प्रतितोला सुनको मूल्य १ लाख ९० हजार ४०० रुपैयाँ कायम भएको छ। 

बिहीबार एक तोला सुनको मूल्य १ लाख ९१ हजार ५०० रुपैयाँ तोकिएको थियो।

यसैगरी बिहीबार चाँदी प्रतितोला २ हजार २५ रुपैयाँमा खरिदबिक्री भएकोमा आज २ हजार ५ रुपैयाँ पुगेको महासंघले जनाएको छ।